Aqura
NAME LENGTH AVAILABLE ON

Tensnake - See Right Through Ft. Fiora

Jack U ft. Kiesza - Take You There

Bob Sinclair - Cinderella

Yuna - Lullabies

MJ Pérez é unha das novas voces do panorama actual da música galega. Inicia o seu percorrido en 2014 e acumula máis de 75 concertos por toda Galicia. Suma xa tres discos: un autoeditado e outros dous auto-producidos. Estivo presente en festivais e nos principáis circuítos musicais de Galicia.

María José, nada en Arzúa, é unha cantante e compositora galega actual. Aprende a tocar a guitarra aos 14 anos e ao pouco tempo compón os seus primeiros temas. Mais non é ata o 2014 que inicia a sua actividade como artista.

Un ano antes, no 2013, MJ participa nun obradoiro de poesía impartido por Yolanda Castaño que marca un punto de inflexión no seu camiño. É neste momento cando a autora comeza a compoñer dun xeito máis activo e únicamene en galego. Ademais disto, alí coñece a figuras como Mercedes Leobalde, Luisa Abad ou Lidia Bao... coas que colaborará tempo despois.

MJ desenvolve así a súa faceta musical á par que a súa formación académica, xa que ademais disto é produtora audiovisual. Leva a cabo a produción de varios videoclips, entre eles "Evidencia" o primeiro da propia MJ Pérez. A esta produción segue a do videoclip "A Peza Solta" no que participa Lidia Bao e ao máis recente: "Ai De Min!", producido e elaborado pola propia MJ de principio a fin.

Participa tamén en diferentes proxectos: compón a música para a peza audiovisual “Ao Vento” (da que é coautora), colabora no documental “Vieiros de Esperanza” centrado en Carvalho Calero e crea “O Valse”. Este último é un proxecto que pretende poñer os recursos do audiovisual ao servizo da música para impulsar o novo talento, outras músicas e fomentar o intercambio cultural a través da mesma música.

MJ inicia o seu percorrido con "Ollos que non ven, síntoma de cegueira", un álbum auto-editado de 10 temas que a artista compartía a través da rede, na plataforma Bandcamp, a medida que gravaba. Deste xeito, foi un proxecto que se prolongou no tempo. Da man deste traballo chegaron as primeiras actuacións en diversos recitais de forma puntual.

É no 2014 cando MJ inicia a súa actividade dun xeito máis firme, chegando a rematar o ano con máis de 15 concertos en diferentes puntos de Galicia. Acompaña a Mercedes Leobalde nas diversas presentacións do seu libro de poemas “Chamádeme Eva”. Máis adiante fará o mesmo coa súa obra “Funambulistas”.

O punto máis destacable deste momento para a artista foi a súa participación no “I Certame de Canción de Autor en Galego” organizado polo Concello de Teo, do que foi finalista xunto con outros artistas coma Nastasia Zürcher, Sofía Espiñeira, María Costas ou Alba María.

O ano 2015 foi un momento de impulso para MJ, xa que comezou cun novo disco baixo o brazo: "Guerrilleira" do que fixo un concerto especial de adianto en Linda Rama (Coruña) e que sacou á luz oficialmente o 25 de xullo dese mesmo ano.

A artista experimenta unha evolución non só na súa música, se non que tamén no seu percorrido posto que nese ano aumenta o número de concertos e chega a estar presente en festivais como o Noroeste Pop Rock.

No 2016, continúa a xira "Guerrilleira", levando o álbum por toda Galicia e crea dous novos formatos: a banda e o dúo actústico. Remata o ano acadando o segundo posto no VII Concurso Musical da Deputación da Coruña (hoxe denominado Premio Narf da Música) xunto con grupos como Bala, The Trunks ou Jamie Fifthring.

Tamén presenta o videoclip e single "A Peza Solta" coa colaboración da poeta coruñesa Lidia Bao e coa colaboración de toda a súa banda na gravación do tema en estudio.

En 2017, MJ continúa complementando a habitual xira de concertos coa participación no mundo da poesía: acompaña a Luisa Abad en diversas presentacións do seu poemario "Limaduras de Prata".

Neste momento, MJ acaba de presentar o seu terceiro traballo discográfico: "Casandra", o seu primeiro álbum de estudio que marca un punto de inflexión na súa traxectoria. Trátase dun álbum que une diferentes estilos e que destaca non só pola evolución musical da artista, senón tamén pola participación da súa banda e de colaboracións especiais como son: Serj, Martiño Cabarcos, Ailén Kendelman, Paco Cerdeira e Richi Casás.

Agora, MJ está sumida da xira de presentación deste novo traballo, á que se suma outra boa nova: o seu nomeamento como finalista do Xuventude Crea 2017 na categoría musical.